SANTASAK DEMBAN

Sadalan bani pertambahan penduduk sekitar Jabodetabek, martambah-tambah do bue ni pinompar ni Tondang sonai age Boru pakon Panogolanni na marianan i kawasan on. Songon na ibotoh hita, 400 halak pinompar ni Tondang ro mandihuti Pesta Bona Taon Tumpuan Tondang Boru Panagolan Sejabodetabek na ipatupa bani Maret 2009, ai lape tarhira satongani na lape boi ro bani pesta ai. Alani in do ase dihaporluhon uhurta pajongjongon tumpuan on, songon na pasadahon hita na marserak i tanoh panginsolatan on, i Jakarta, Bogor, Tangerang, Bekasi, pakon Cikarang.

Hajongjongon ni tumpuan on porlu songon na pataridahon hadirion/eksistensi ni Tondang i tongah-tongah ni marga na legan, pasadahon hita pinompar ni Tondang, sonai age ianan padalanhon holong ase totap marsiurup-urupan bani pesta malas ni uhur sonai age pusok ni uhur. Marhite tumpuan on do boi homa hita marsitandaan, tukar menukar informasi, padalanhon jati diri pakon identitas sebagai halak Simalungun khususni ma Tondang hasusuran Huta Tano pinompar ni Raja Bara.

Ase dear mardalan tumpuan on porlu do ibahen aturan na tertuang bani Anggaran Dasar (AD) pakon Anggaran Rumah Tangga (ART). AD/ART on ma na gabe dasar atap onjolan na padalanhon haganupan horja atap program tumpuan. AD/ART on disusun melalui Rapat Anggota sadalan bani kemampuan sumber daya ni tumpuan. Lang ganup aspirasi ni anggota boi tartampung bani aturan on, alani in do ase iprioritashon bani horja sukacita, dukacita, pakon kunjungan hubani naboritan.

Program tumpuan namardomu bani AD/ART on boi mardalanan dear molo haganup anggota padalanton horja in sesuai aturan na ipatupa marhite AD/ART. Andohar ma tumpuan on boi pasadahon hita ibagas na marsiurup-urupan ibagas horja malas pakon pusok ni uhur.

Diatetupa. GBU


Pengurus